Vawiin khan Social Welfare Department buatsaihin UDID Unique Disability Identification (Rualbanlo te certificate pekchhuah dan thar), sawrkar laipuiin a duan thar zirhona neih a ni.

UDID hnuaiah tunhmaa rualbanlo certificate lo pekchhuah dan chu tihdanglam niin tuna certificate pekchhuah tawh leh la pekchhuah tur te chu India ram state khawi hmunah pawh in ang khat tlang (universal) leh state tina pawm vek tura ruahman a ni a. Rualbanlo te tana hamthatna chi hrang hrang sawrkarin a duanchhuah te dawng tur chuan he Universal certificate hi neih ngei tur a ni a, hetiang nei lo tan chuan hamthatna dawn theih a ni dawn lo a ni.

Training hi Social Welfare Department Director Pi Laldikkimi chuan kaihruaiin Pu P. Lalchhuanga Secretary, Social Welfare Department in a telpui bawk a. Training pe tur hian Ministry of Social Justice and Empowerment atangin resource person rawn tirh niin Mizoram District tin a Health Department hnuaia Chief Medical Officer, Medical Superintendent, Computer khawihtu te leh Social Welfare Department hnuaia DPO, DSWO, CDPO-te leh Computer khawihtu te nen training hi neih a ni.

Attachment

  • Loading attachment...