Social Welfare Minister Dr K. Beichhua kaihhruai hnuaiah nimin khan Social Welfare Department leh Health & Family Welfare Department Official te chuan Joint Meeting an nei.

Meeting-ah hian pianphunga rualbanlo,  sorkar hriatpui leh pawmpui an nih theihna atana enfiahna leh certificate pek chhuahna runpui (assessment & certification camp) neih dan tur chungchang te rel a ni, pianphunga rualbanlo te tan UDID (Unique Disability Identification) siam thar a lo nih tak avanga  Mizoram puma rualbanlo te tan ID Card thar a hrana siam a ngaih tur chungchang te sawiho a ni.

Rualbanlo ID Card la nei lo zawng zawng te pawh he ID Card siam thar tur hian a huam vek dawn a, meeting chuan hemi atan hian chak taka hmalak ni se tiin a rel.

Assessment & Certification Camp hi a thawh khatna September 4, 2019 hian Kolasib-ah neih tan tura ruahman a ni. A thawh khatnaah hian Kolasib district bakah Aizawl, Mamit, Khawzawl, Champhai, Siaha, Hnahthial leh Serchhip district ah te neih a ni ang a, March 28, 2020 thleng a awh ang.