Vawiin khan Paris Hall ah UD&PA Department, Kolasib chuan Swachh Bharat Mission (Urban) hnuaiah Kohhran Thalai Pawl tan faina  chungchang Drama Competition  buatsaih a ni. He hunah hian Kohhran Thalai pawl paruk an tel. Drama hi minute 15-20  chhung a chan zawh tur a ni. Lawmman pakhatna dawngtu hi Hosea Group, KTP Diakkawn branch niin,  Lawmman pahnihna KTP College veng branch, Lawmman pathumna SAY, Diakkawnte an ni.

Lawmman pakhatna hian cheng sing thum, pahnihna cheng sing hnih leh pathumna cheng sing khat leh certificate a keng tel. Best Actress ah Nl. Shalom Zorinpuii thlan a ni. Tel zawng zawng hian participation price cheng sangnga leh certificate an dawng vek  ani.