UD&PA Department chuan  vawiin khan Thakthing Zawlbuk ah an hnuaia NLUP-NEDP Convergence Scheme Phase-II tanpuina dawngtute kohkhawmin NLUP-NEDP Convergence Scheme kalpui anih dan tur hrilhfiahna hun “Training-cum-Signing of APR & Undertaking”  an buatsaih a, Aizawl South-II bialtu MLA Col. ZS Zuala leh Aizawl South-I bialtu MLA Pu R.Vanlalvena ten telpuiin beneficiary te fuihna thu an sawi a ni.

Vawiin a trining nei tura koh te hi Aizawl South-I, Aizawl South-II, Aizawl West-I, Aizawl West-II leh Aizawl West-III huamchhunga beneficiary 502 an ni a, UD&PA Department –a thawk mithiam ten hmalak dan tur chipchiar taka an hrilh bakah an sum dawn te hlawhtlinpui ngei tura zirtirna tha tak an pe a, beneficiary te hi an sum dawn te dik taka hmang tura intiamkamna ziah tir an nih bakah APR an an hming an ziak a ni.

Hei bakah hian beneficiary Training tha taka zo te hnenah Training Certificate leh hmalak dan tur ruahmanna “Calendar of Work” pek vek an ni a, an pawisa dawn tur first instalment Rs. 50,000/- pawh an bank account ah  dah sak nghal an ni.

Natuk August ni 3, 2018 hian Zarkawt Community Hall ah Aizawl East-I, Aizawl East-II, Aizawl North-I, Aizawl North-II leh Aizawl North-III huamchhunga beneficiary 435 te pualin hetiang hun hi buatsaih ani leh ang a, Aizawl North-I bialtu MLA Pu R.Romawia’n a hmanpui ang.

UD&PA Department hnuaiah hian NLUP-NEDP Convergence Scheme Trade hrang hrang 10 a awm a, Phase-II ah hian beneficiary 937 an awm a ni.

Attachment

  • Loading attachment...