2529/2024-2025

Siaha the 15th October 2024: Vawiin chawhma dar 11 khan DRDO Conference Hall, Siaha-ah Urban Development & Poverty Alleviation Department leh Save the Riparian tangkawp buatsaih Environmental Awareness Campaign neih a ni.

He hun hi Pu Romalsawma Hmar, Save the Riparian chuan kaihhruaiin Environmental Awareness Campaign Presentation a pe nghal a, a tel ten an hlawkpui hle. UD&PA leh Save the Riparian in thawhhona thuthlung an ziah angin district hrang hrangah hetiang hun hi hman mek zel niin - Faina leh Thianghlimna bakah bawlhhlawh sawngbawl kawnga mipuite zirtirna kalpui te, lui leh luidung, thing leh mau humhalhna bakah thingphun te, hmankhat daih plastic tihremna kawnga hmalaknate a huam a ni.

Vawiin programme-ah hian DPO  bakah MTP General Hqrs, Joint VC, MJA leh Old Siaha High School, Siaha Vaihpi te an tel a, Pi K Lalruatpuii, UD&PA chuan lawmthu sawiin hun tih tawp a ni.