22/2023-2024
Mizoram sawrkar UD&PA Department chuan Central sawrkar DAY-NULM Scheme a kalpui țhat vangin SPARK Award cheng vaibelchhe 10 a dawng.
Ministry of Housing & Urban Affairs (MoHUA) hian kum tin DAY-NULM Scheme atan State tinte target a pek mila hna thawk tha te tehfung SPARK (Systematic Progressive Analytical Real Time Ranking) chu kum 2019-20 Financial Year atangin a kalpui tan a. Incentive Award anga kalpui niin a hming ah SPARK Award vuah a ni. Financial Year khat a Central fund dawn tur bakah Incentive Award pek belh thin a ni.
He tehfung hi a hming angin MIS leh Paisa Portal hmang a State tinte thla tin a an hnathawh leh hmalakna atanga teh a ni a. State/UT tinte hmalakna hi thla tin Review meeting MoHUA hian a buatsaih thin a ni.
Mizoram hi North-East & Himalayan Range (State pakua) huam chhungah awmin, he Award kalpui țan kum, 2019-20 ah 2nd Rank Award dawng nghalin, kum 2020-21 ah pawh 2nd rank Award tho a lo dawng tawh a. Performance incentive atana fund vaibelchhe 6 dawn lai a lo dawng tawh a ni.
Kum 2021-22 FY leh 2022-23 FY huamchhung a DAY-NULM Scheme hnuaia hmalakna te hi tehfung hrang hrang hmanga endik a nih hnuah ni 31st March 2023 khan Ministry of Housing & Urban Affairs (MoHUA) chuan Mizoram chu SPARK Award 1st Rank dawng turah rawn thlangin, performance incentive cheng vaibelchhe 10 Mizoram Sorkar hnenah a rawn pe chhuak nghal a ni.
