23/2023-2024

Aizawl, 04.04.2023: Chief Minister Pu Zoramthanga chuan vawiin khan Vanapa Hall-ah Aizawl Twowheeler Taxi Association (ATTA) General Assembly vawi 5-na chu khuallian niin a hmanpui.

Chief Minister Pu Zoramthanga chuan two wheeler taxi association khawmpui a telpui thei chu lawmawm tiin, khawpui chhung thang zel leh kawngpui tawt zelah mipui tan an tangkai thu a sawi a. Churihrual chuan lirthei khalhtute chu fimkhur zui zel turin leh lirthei khalhtute chu ruihtheihthil a buai lo turin a chah bawk. Chief Minister chuan Aizawl khawpui hi khawpui thenkhat anga a tir atanga mumal leh felfai taka duan lawk thlap a nih loh avangin sawrkar leh mi thahnemngai te'n theihtawp chhuah mahse kawng indaihlohna leh lirthei dahna parking space a that tawklo thu a sawi a. Chief Minister chuan sawrkar in PAHOSS scheme a kalpui chu hripui leng in a thlen sum indaihlohna avanga tum anga kalpui theih a nih loh thu leh, boruak ziaawm zelah parking harsatna sukiang tura sawrkar in hma a lak zel tur thu a sawi bawk. Chief Minister chuan Mizoram chu kan ram neih chhun a ni tiin, a chhunga cheng ten kan siam nawm leh kan nuam in, kan chei nawmloh leh kan nuamlo mai dawn a ni a ti a. Ram siamthat kawnga mitin kan pawimawh thu tarlangin, tunlaia kan ram hmelma lian ber pakhat ruihtheihthil ram thenawm atanga lo lut do chungchang a sawi tel bawk a. Sawrkar leh mipui, pawl hrang hrangte theihtawp chhuah a ruihhlo do hna thawka kan țan tlan a ngai mh thu a sawi a ni. Chief Minister chuan Mizoram chu ram entawntlak leh ram nuam a siam tur chuan hospitality lamah te hma kan sawn belh zel a tul thu sawiin, vawiina two wheeler taxi driver kalkhawmte chu ram hmel zahawmna leh tihmawi kawnga thawhtu pawimawh tak an nih thu a sawiin duhsakna a hlan a ni.

Chief Minister hian ATTA chu a tul anga hman turin cheng sing nga a pe a ni.

Vawiin ATTA conference-ah hian Tourism Department chuan inhrilhhriatna / awareness campaign an nei a. Addl. SP Traffic, Aizawl hnen atangin thusawi ngaihthlak a ni bawk. Rolrel in a chhunzawm a ni.

Report ah a lan danin tunah hian ATTA member 2,500 an awm a ni. AMC in a duan angin two wheeler taxi stand awm zat chu 50 a ni.