Pu Zorammuana, MCS, Director, Urban Development & Poverty Alleviation Department chuan nimin tlai khan Serchhip khawpui chhunga UD&PA Department in hmasawnna hna an thawh hrang hrang te a hmuna kal chilhin a enfiah.

Pu Zorammuana hian New Serchhip Community Hall, Boxing Hall, P&E Veng Community Centre, Serchhip Town Hall leh Serchhip Auditorium sak lai mek te a hmunah kalin an hnathawh dan te a enfiah a, New Serchhip Community Hall hi zawhfel tep tawh ni in November thla chhung hi chuan mipuite hman theih tura peihfel an inhuam thu Hall sak hna thawktu ten an lo hrilh a, Hall-a hman tur ruahtui dahthatna a awm mumal lo chu a ngaimawh thu sawiin hemi atan hian ruahmanna siamthar a ngai dawn a a hriat thu Director hian a sawi a, New Serchhip a Boxing Hall sak mek a tlawhna ah November ni 18, 2014 a Mizoram pum huap Boxing intihsiakna hmun atan hman tum anih thu leh hemi atan hian theihtawpchhuaha hna an thawk chung pawha an inpeihfel hman an rin loh thu Director hi an lo hrilh a, kumin chhung erawh chuan an sak zawhfel theih an inbeisei thu a sawi a ni.

P&E Venga Community Centre chu zawhfel vek tawh niin mipui tana hman theih tura hawn thuai anih tur thu sawi a ni a, Director pawhin hna a tha thawkhata a hriat thu leh lawmawm a tih thu a sawi a, Serchhip Town Hall sak mek a tlawhna ah a satu ten harsatna an tawh chi hrang hrang an sawi te chu ngaithla in Director chuan hna tha taka thawh chhunzawm anih theih nan ruahmanna thar siam ngai dawn a a hriat thu leh bawhzui a tum thu a sawi a ni.

Director hian chuan heng hna thawktu Contractor NBCC aiawh te chu an hna tha taka thawk tura a duh thu leh an hnathawha harsatna hrang hrang awm chu anmahni mai bakah Minister hova sawiho a ngaih thu te, Chief Minister in hmalakna chaklo lutuk chu a vei hle ani tih te a hrilh a ni.