No.2736/2021-2022

Aizawl the 26th October, 2021 : Mizoram Sawrkar chuan Department of Economic Affairs (DEA), Ministry of Finance, GoI ah Asian Development Bank (ADB) tanpuina a thawh tur “Aizawl Sustainable Urban Transport Project” US$ 248 million (Rs. 1860 Cr. approx.)  vel senna tur Project ruahmanna a theh lut a. He ruahmanna hi Department of Economic Affairs (DEA) Government of India (GoI) chuan tha a tih rualin Project buatsaih nan ADB sum hmangin Project Readiness Financing (PRF) Loan lak phawt nise tiin ruahmanna a siam.

He Project Readiness Financing (PRF) Loan hnuaiah hian Aizawl Sustainable Urban Transport Project ruahmanna siam a Comprehensive Mobility Plan (CPM), Feasibility Study, Detail Project Report (DPR) leh Capacity Building te buatsaih tur Consulting firm - Project Planning, Design and Management Consultant (PPDMC) leh Individual Consultant 5 dang ruai tur a ruahmanna siam a ni. Asian Development Bank sum US$ 5.63 million vel seng a thawh tur he Project Readiness Financing (PRF) hi ADB leh DEA chuan pawm tawh in vawiin ni 26 October 2021 hian inremna thuthlung, Loan Agreement leh Project Agreement chu sign fel a ni ta a ni. 

He PRF Loan hi kum 3 chhung a zawh tur a ruahman niin  Project kaldan tur engkim ruahmanna leh DPR te peih fel anih hnuah Aizawl khawpui Transport tih changtlunna tur Project “Aizawl Sustainable Urban Transport Project” thawh hna chu ADB sum hmang bawk a a taka kal pui tawh tur a ruahman a ni.

He Loan Agreement sign naah hian Mizoram Sawrkar aiawh in Pu K.Lalthawmmawia, Secretary, UD&PA in a sign a, Pu HVL Zarzoenga, Joint Director, UD&PA in a tawiawm a, Govt. of India aiawh in Rajat Kumar Mishra, Addl. Secretary, Ministry of Finance leh Asian Development Bank aiawh in Takeo Konishi, Country Director ADB ten an sign a ni.