No.3235/2021-2022

Aizawl, 1st December, 2021 :    October ni 2, 2021 atanga November ni 30, 2021 chhunga Mizoram Khawpui Fai Intihsiakna 2021 inpuahchah hun chhung a zo ta a, endikna kalpui tan nghal a ni. Endiktu tura ruat ‘Panel of Judges’ te hi ni tukin (1.12.2021) dar 8:00 AM khan Secretary, UD&PA Department, Pu K. Lalthawmmawia’n UD&PA Directorate tualah a vailiam a ni. 

Panel of Judges flag-off programme hi Convener, UD&PA Director ni bawk Pu H. Lianzela’n a kaihruai a, inlawmna thu sawiin Panel of Judges te chu duhsakna a hlan nghal a. Pu K.Lalthawmmawia, Secretary, UD&PA pawhin ‘Panel of Judges’ kalchhuak tur te thlahna thu sawiin Khawpui Fai Intihsiakna atan hian Mizoram khawpuite an inpuahchah nasa hle tih a sawi a, Khawpui Fai endik chhung chauh ni lo kumtluana Mizoram khawpui ten Faina an kenkawh reng theihna tura fuihtu ni turin Khawpui Fai endiktute hi a chah a ni. India Hnampa, Pu Mahatma Gandhi thusawi sawi chhawngin hnam zalenna aiin hriselna leh thianghlimna hi a pawimawh zawk a ni, a ti. 

Panel of Judges te hi UD&PA Department atangin Officer 3 (pathum), MPCB, MZU, MJA leh CYMA atangin 2 (pahnih) an ni a, Category hrang hrang-ah inthen darhin endikna hi tan nghal a ni. 

Mizoram Khawpui Fai Intihsiakna 2021 ah hian Mizoram khawpui 28 te Category 3 ah hetiang hian then hran an ni.

A.    Category-I (Aizawl City)
AMC Ward I-XIX

B.    Category-II (District Headquarters):
1)    Lunglei    2) Siaha
3) Champhai    4) Kolasib
5) Serchhip    6) Lawngtlai
7) Mamit    8) Saitual
9) Khawzawl    10)Hnahthial

C.    Category-III (Other Towns):
1)    Vairengte    2) Tlabung
3) N. Kawnpui    4) Thenzawl
5) N. Vanlaiphai    6) Darlawn
7) Zawlnuam    8) Biate
9) Khawhai    10) Sairang
11) Lengpui    12) Bairabi
13) West Phaileng    14) Kawrthah
15) Ngopa                 16) Phullen
17) Farkawn

Category-II District Headquarters bikah hian tunkar chhungin Mamit, Kolasib, Saitual, Khawzawl leh Champhai te endik an ni ang a, Category III (urban towns) ah chuan Lengpui leh Sairang atanga tanin West Phaileng, Zawlnuam, Kawrthah, Bairabi, Vairengte leh North Kawnpui te endik an ni ang.

Attachment

  • Loading attachment...