2937/2022-2023

Aizawl, 5th December, 2022 :  August ni 1, 2022 atanga November ni 30, 2022 chhunga Mizoram Khawpui Fai Inelna 2022 inpuahchah hun chhung a zo ta a, endikna kalpui tan nghal a ni. Endiktu tura ruat ‘Panel of Judges’ te hi ni tukin (5.12.2022) dar 6:00 AM khan UD&PA Director Pu H. Lianzela'n Vana Pa Hall kawtah a vailiam a ni.

Panel of Judges vailiamnaah hian Mizoram Khawpui Fai Inelna Convener leh UD&PA Director ni bawk Pu H. Lianzela chuan inlawmna thu sawiin Panel of Judges te chu duhsakna a hlan a.  Khawpui Fai Intihsiakna atan a department inpuahchah dante sawilangin khawtinin theihtawp an chhuah nia a hriat thu a sawi a, endiktu atana an ruatte chu an rintawk thu sawiin felfai leh dik taka endik hna an thawh ngei a beisei thu a sawi bawk a ni. 

Panel of Judges te hi mi 6 niin - DIPR officer 1, Mizoram Pollution Control Board officer pakhat bakah, MJA, STAM, HISSLAM leh CYMA atangin mi 1theuh ruat an ni a, team 2 a inthenin tehfung (parameters) hrang hrang hmangin endik hna hi tan nghal a ni. 

Mizoram Khawpui Fai Inelna 2022 ah hian Mizoram khawpui 28 te Category 3 ah hetiang hian then hran an ni.

A. Category-I (Aizawl City)

AMC Ward I-XIX


B. Category-II (District Headquarters):
1) Lunglei         2) Siaha
3) Champhai    4) Kolasib
5) Serchhip      6) Lawngtlai
7) Mamit          8) Saitual
9) Khawzawl 10) Hnahthial

C. Category-III (Other Towns):
1) Vairengte         2) Tlabung
3) N. Kawnpui      4) Thenzawl
5) N. Vanlaiphai   6) Darlawn
7) Zawlnuam       8) Biate
9) Khawhai        10) Sairang
11) Lengpui       12) Bairabi
13) West Phaileng    14) Kawrthah
15) Ngopa                 16) Phullen
17) Farkawn

Endik hna hi December ni 5 - 20, 2022 chhunga neih tur a ni a.

Category-II District Headquarters bikah hian tunkar chhungin Champhai, Khawzawl, Saitual, Mamit leh Kolasib endik a ni ang a; karleh hian Siaha, Lawngtlai, Lunglei, Hnahthial leh Serchhip endik a ni ang. 

Category III (urban towns) ah chuan tunkar chhungin Thenzawl, Tlabung, North Vanlaiphai, Biate, Khawhai, Farkawn, Ngopa leh Phullen endik a ni ang a; karleh hian Sairang, Lengpui, West Phaileng, Kawrthah, Zawlnuam, Bairabi, Vairengte, North Kawnpui leh Darlawn endik a ni ang. 

December ni 19 leh 20 hian Aizawl Municipal Corporation hnuaia Ward hrang hrangte endik a ni bawk ang.

Attachment

  • Loading attachment...