Vawiin chawhma dar 10:30 khan Urban Development & Poverty Allevation Department chuan Swachh Bharat Mission hmalakna kal zel atan Serchhipa Auto Rickshaw 130 leh Aizawl leh Serchhip inkara tlan Maxi Cab Service 30 a dah turin bawlhhlawm bawmte (Mini Dust Bin) an sem.

Pi Vanthangpuii, DUDO Serchhip chuan thusawiin, ram changkang tehna pawimawh tak chu faina ani, ati a. Sawrkar laipui pawhin faina kawnga hma kan sawn theih nan Swachh Bharat Mission chu chak takin a kalpui mek zel a, Serchhip khawpui pawh midangte entawn tlak khawpui fai kan nih theih nan ami chengten mawhphurhna kan nei ani ti. Auto Rickshaw leh Maxi Cab-a chuang thinten motor atanga bawlhhlawh paih chhuak mai lovin, bawlhhlawh bawm an dahte hmang tangkai thin turin a chah a, bawlhhlawh bawm hi a sem nghal ani.

Pu K. Saitluanga, DIPRO chuan he hun hman puitu pawhin, zial zu miten hnawmhnawk an neih thin te paihna tur thir bawlhhlawhbawm 10 chu Mizoram Upa Pawl hnenah a hlan a, Upa Pawl member te hian heng meizial bung paihna tur bawlhhlawh bawmte hi Serchhip khaw chhung hmun hrang hrangah an hung chhuak nghal ani.

He hun hi Pi Grace Lalrinfeli, District Manager chuan a kaihruai a, MUP memberte leh Auto Rickshaw khalhtute an tel tha hle ani.