Urban Development and Poverty Alleviation Department (UD&PA) leh National Housing Bank (NHB) tangkawp chuan vawiin chawhma dar 10:00 khan Aijal Club-ah Pradhan Mantri Awas Yojana – Housing for All (Urban) Scheme chungchang inhrilh hriatna leh zirhona - “One Day Workshop on CLSS (EWS/LIG) and CLSS (MIG) under PMAY – HFA (Urban) 2022 Mission” an buatsaih a. Urban Development and Poverty Alleviation (UD&PA) Minister Pu Zodintluanga chuan khuallian niin workshop hi a hmanpui. 

Urban Development and Poverty Alleviation Minister chuan PMAY zirhona workshop pawimawh tak ruahman a ni chu lawmawm a tih thu sawiin, PMAY – HFA (Urban) 2022 hnuaia Mizoram sawrkar hmalak mek dan leh hmachhawpte a tarlang a. Mizoram chhunga Census Town khua 23-ah te hmalakna thuang hniha kalpui a ni a, chungte chu insak tanpuina - Beneficiary–Led Individual House Construction (BLC) leh insakna tur loan - Credit Linked Subsidy Scheme (CLSS) te an ni, a ti. January 2017 atang khan sawrkar laipui Ministry of Housing and Urban Poverty Alleviation (HUPA) chuan CLSS hi rawn siam danglamin scheme awmsa (CLSS for Economically Weaker Section (EWS)/Lower Income Group (LIG)) chu huapzau zawk turin CLSS for Middle Income Group (MIG I & II) hi a rawn ruahman thar a ni tih Minister chuan a sawi a. CLSS housing loan dilna hi EWS/LIG/MIG-I leh MIG-II te tan ni 1-16 June, 2017 chhung hian Mizoram chhunga Census town 23-ah te hawn leh tura ruahman a ni, a ti. CLSS chu Primary Lending Institutes (PLI) leh Bank te kaltlanga Home/Housing Loan lak theihna tura sawrkar ruahman a nih angin he scheme hnuaia Mizoram mipuite hnena housing loan pe chhuak turin Bank manager leh Housing Loan pe thei Institute aiawhte chu Minister chuan thawhpui ah a sawm a. Bank tinin loan an pek tur zat hi State Level Bankers Committee (SLBC) Mizoram, in a bituk thu sawiin Bank hnathawkte chu he scheme hlawhtlinna tur atana tan la leh zual turin Minister chuan a ngen bawk a ni. 

Workshop hi Pu HVL Zarzoenga, State Level Nodal Officer, PMAY-HFA (Urban) Mission in a kaihruai a. PMAY-HFA (Urban) hnuaia insakna tur loan - Credit Linked Subsidy Scheme (CLSS) chungchang sawifiahin, CLSS hi hmeichhia tan chauh niloin Mipa leh Hmeichhia hmingin a dil theih a ni, a ti a. CLSS Loan hi in ding sa leina tura hman a nih dawn chuan Hmeichhe hming in emaw, Mipa leh Hmeichhia hming chuang kawpin a awm tur a ni. Tin, chhungkua ah Hmeichhia puitling an awm loh chuan Mipa hming in dah theih a nih dante a sawifiah bawk. 

Workshop ah hian Pi Rita Bhattacharya, Deputy General Manager, National Housing Bank, Kolkata leh Pu Niladri Bose, Regional Resident Representative, National Housing Bank, Kolkata Region-te chuan scheme chungchang kalkhawmte an zirtir a. Housing For All hnuaia Credit Linked Subsidy Scheme kal tlangin Bank ten housing loan pung tlemin (Interest Subsidy) an pek chhuah theih thu leh he scheme hnuaia housing loan pek chhuah dan tur chipchiar takin Bankers kalkhawmte an zirtir a. CLSS hnuaiah hian loan dil theite categories 4 ah then an ni a:

 PMAY zirhona workshop-ah hian Bank hrang hrang manager-te bakah Housing Loan pe chhuak thei Institute aiawhte an tel kim hle a. Tunah hian CLSS Housing loan dilna hi Mizoram a Towns 23 ah te hawn a ni leh dawn a. Dil duhte tan chuan UD&PA Department lam ah ngaihven theih a ni ang.