Dr.C.Vanlalramsanga UD&PA Secretary, chuanni 24.5.2018 tlai  khan DUDO,UD&PA Dept Lunglei ah thawktute Review Meeting neihpui in UD&PA Dept chan bik a hna kal lai mekte Review a neihpui. He Review Meeting Pu Andrew Lalhruaia DUDO,UD&PA Dept, Lunglei in a kaihruai ah hian an Deptt hnuai a mipui rawngbawlna mission hranghrang Housing For All(HFA),National Urban Livelihood Mission(NULM),Swachh Bharat Mission(Urban),Survekshanleh NEDP hnuai a hmalaknate an thlir ho a ni. 

Kalkhawmte chungah lawmthu sawina a neih pahin Chairman chuan thutawi sawina a nei a."Kan Dept hotulu, Secretary in buai tak kar a min rawn tlawh hman leh Review Meeting min neihpui thei hi DUDO,UD&PA Dept,Lunglei tan chuan thil lawmawm leh chhinchhiah tlak tak a ni a, kan hnathawh kal zel tur tan pawh thil tangkai tak tur a ni" a ti.

Review meeting ah hian Secretary chuan, "Khawpui enkawltu leh mipui mimir ngheng tlat Deptt kan nih avang hian kan hna chanpual theuh ah thathlah a thiang lova. Thawktu tlemte nichung a, a tha lam hawizawng a miten min hriat theih nachhan hi kan zavai a thawh na leh  inpekna rah a ni a. Kan Deptt motto: _*Touching Lives of the People*_ tih hi i hrethar in, i vawng nungreng ang u" a ti

Review Meeting ah hian UD&PA Dept hnuaia hna hrang hrang leh Scheme/Mission te sawihona neih nghal a ni a, Lunglei khawpui tan bawlhhlawh phur motor pek vat tum thuleh Riangvai thlanmual ah Solid Waste Management Centre tender mek a nih thu a sawia,khawpui cheina tur ruahman a nih thu te sawi a ni. Thawktu indaihlohna chungchang chu ngaihtuah mek a nih thu a sawi bawk.Secretary chuan hnakal lai mek a hmuh leh hriat chin ah lawmawm a tih thu a sawi.