Vawiin khan Health & Family Welfare Department hnuai a Immunisation Section Principal Director, Health & Family Welfare Office ah Debriefing meeting on successful achievement of Measles - Rubella Vaccination Campagin in Mizoram neih a ni.

Meeting ah hian Dr.Lalhlimpuii, Surveilance Medical Officer, World Health Organisation chuan Rapid Convenience Monitoring ni 22, May ,2018 a an neih ah Mizoram chuan 97% a achieve tawh thu sawiin, Campaign pawh hman zawh a nih hma hauh a, hetiang zat target kan thleng thei hi lawmawm a ti hle. WHO bakah UNICEF lam te, MR Vaccination Campaign a nih laia Mizoram rawn vil tur a Govt. of India in a rawn tirh pawh in Mizoram sawrkar hmalakna leh tan rualna duhawm tak avangin lawmthu a sawi bawk.

Meeting Chairman Dr.F.Lallianhlira chuan School Education leh Social Welfare Department te hnenah lawmthu sawiin, he MR Vaccination Campaign hi a hun takah tan lo mah ila, Education leh Social Welfare a bikin  ICDS te nen kan thawhhona leh tanrualna a that em avangin hlawhtlinna duhawm tak kan hmu thei a, kan target  100% la achieve chiah lo mah ila, 97% lai campaign kan la zawh hma hauh a kan thleng thei hi a lawmthu leh hetiang thawhhona tha hi nei reng tura tan kan lak ho zel a pawimawh thu a sawi.

Dr.Lalzawmi, State Immunisation Officer pawhin thusawiin kan thawhhona that avangin Central lama kan hotute chuan State dangte tana entawn tur leh hman ve turin kan hmalak dan leh he MRV Campaign kan kalpui dan te report pe turin an rawn ngen hial thu a sawi bawk.

Measle - Rubella Vaccination Campaign zawh hnu ah pawh Routine Immunisation hnuai ah he vaccine hi telh tawh tur a ni a, he MR Vaccine campaign a zawh hnuah pawh lakchhunzawm zel tur a ni a, damchhungin vawi 2 lak tur ani a, First dose chu Naupang thla 9 an tlin hun ah , Second Dose chu thla 16 a tlin hun ah lakchhun zawm zel tur a ni a, kan tu leh fate'n heng Hridanna a thlawna kan laktir thin hi mipuiten ngaipawimawh a, a bikim ngei a Vaccine laktir ngei turin mipuite an ngen bawk. 

He hun ah hian WHO, UNICEF leh School Education, Social Welfare leh Health Department hotute an tel tha hle a ni.