UD&PA Champhai chuan DAY-NULM kaltlangin Champhai khawpui chhunga Home hrang hrang te hnenah tanpuina DUDO Office, CHANEM Building ah a hlan.

Pu K. Lalhmuakliana, DUDO Champhai chuan department kaltlangin Home hrang hrang leh Self Help Group te hnenah tanpuina pek thin anih thu a sawi a. SHG te hnena Revolving Fund an pek chu an hman zawh nghal mai tur leh insem ral mai tur a ni lova, Revolving Fund a nih angin an lo peipun a, eizawnna an neih theihna tura an kawng siam tu atan an hman tur a nih thu a sawiin tanpuina a hlan a ni.

DAY-NULM hnuaia Shelter for Urban Homeless (SUH) hi Home pathumah te pek a ni a . TNT Mazuia Memorial Home, Vengthlang North hnenah Rs 36,000/- , Emmanuel After Care Centre, Bethel leh Grace Receivers Home, Zote te hnenah Rs 12,000 ve ve hlan an ni. DAY-NULM hnuaiah vek Home 4: Rose Childrens Home, Vengthlang; Genesareth Gospel Home, New Champhai; Observation Home, New Champhai leh Bethany Old Age Home, New Champhai te hnenah Refurbishment item RFL Royal Warddrobe te hlan an ni ve bawk.

Hemi rual vek hian UD&PA hnuaia Self Help Group 6 thlanchhuah te - Naomi SHG Jail Veng, Luangliam SHG Zotlang, Selutar SHG Zotlang, Thentui SHG Zotlang, Tlaizawng SHG Vengthlang leh Zamzo SHG Vengthlang te hnenah pawisafai Rs 10,000/- theuh hlan an ni ve bawk a ni.