72/2025-2026

Saitual, the 7th April, 2025: Tunhnaiah kan ram thenawm Churachandpur, Manipur-ah ui a hri (Rabies) a leng mek a, he hrileng avang hian ui engemawzat an thih tawh thute hriat a ni a. He hrileng laka Saitual District leh a chhunga chengte an him theihna turin District Bawrhsap Dr. Lalngura Tlau chuan thupek a chhuah. 

Dr. LANGURA TLAU, District Magistrate, Saitual District chuan Section-163 Bharatiya Nagarik Suraksha Sanhita (BNSS), 2023 -in thuneihna a pek angin a hnuaia tarlan ang hian thupek a chhuah: 

1.) Saitual District-ah ramdang atangin ui lakluh khap a ni. 

2.) Ui damlo leh thi an awm anih chuan AH & Vety. Office hnai berah hriattir vat tur a ni. 

3.) Ui vulhtuten an ui vulh chu Rabies Vaccine an lak tir vek tur a ni. 

4.) Ui vulhtuten an ui vulh chu khawlaiah an chhuah zalen tur a ni lo. Tin, khawlai an chhuahpui dawn anih pawhin hrui/chain rinawm takin an kai tur a ni.  

5.) Ui khuahkhirh lohvin mihring a seh anih chuan Section 291 BNS, 2023 hmangin ui neitu chu thla ruk (6) chhung lung in tan emaw Rs.5,000/- thleng chawi tir an ni ang. 

He thupek bawhchhia chu Section-223 Bharatiya Nyaya Sanhita (BNS), 2023 hmangin hremna pek an ni ang. He thupek hian vawin ni 07.04.2025 atanga thla hnih (2) chhung a huam ang.