71/2025-2026

Dated Hnahthial, the 7th April, 2025: Chhim lam tlawh tura a zin chhuak PWD Minister, Pu Vanlalhlana leh Assembly Deputy Speaker, Pu Lalfamkima te chuan tukin zing khan Hnahthial-ah tukthuan a ei a. Hnahthial Bawrhsap, Pi K. Vanlalruati, PWD Executive Engineer, Pu David Laltanpuia leh a thawhpui ten an lo dawng sawng a, tukthuan ei khamah Siaha panin Sangau kawng lamah an chhuak leh nghal a ni.

PWD Hnahthial Division chuan Minister hnenah hian an mamawh te thlenin EE Office hawn a ni a, office building an la neih loh thu te, staff quarter an mamawh thu te leh thawktute indaih lohna phuhruk sak turin an ngen a. Hnathawhna tur office equipment hrang hrang bakah kawng siamna atana pawimawh JCB, truck, spot mix khawl an neih loh thu te thlenin tihhlawhtlinsak ngei turin an ngen a ni.

PWD Minister hi PWD Engineer-in-Chief leh a thawhpui ten an zui a. Zaninah Siaha ah an riak ang a, naktuk-ah Lawngtlai, Tlabung, Chawngte bakah Lunglei an tlawh chhunzawm leh dawn a ni.