218/2025-2026

Lawngtlai, 17th April 2025 : Manipur- a  Ui â hri ( Rabies) leng avanga Ui khuahkhirh  chungchangah Lawngtlai Bawrhsap chuan a hnuaia mi ang hian thuchhuah a siam.

ORDER

Kan hriat theuh angin tun hnaiah kan thenawm Sate Manipur- ah Ui â hri (Rabies) a leng mek a. Mipuite kan him tlan zawk nan Ui khuahkhirh chungchanga thupek chhuah a tul a hriat a ni.

Chuvangin kei, CHEEMALA SIVA GOPAL REDDY, IAS, DISTRICT MAGISTRATE, LAWNGTLAI DISTRICT, LAWNGTLAI chuan Section 163, Bharatiya Nagarik Suraksha Sanhita, 2023 ( BNSS) in thuneihna min pek angin a hnuaia thupek hi ka chhuah e.

1. Kan thenawm Sate, Manipur atanga Ui leh Uisa lakluh khap tlat a ni.

2. Ui vulhtuten an ui vulhte  Ui â hri danna (Rabies Vaccine) an pe vek tur a ni. Ui â hri danna (Rabies Vaccine)  hi District Veterinary Hospital, Lawngtlai leh Vety Dispensary Sangau leh Bungtlang- ah te lak theih a ni a, Lawngtlai Veterinary Hospital atanga a hmuna pan chilh ngai VC- te chuan District AH& Vety Officer hnenah a hranin ngenna siam tur a ni.

3. Ui in mihring a seh loh nan a vulhtuten tha takin an Ui te an khuahkhirh tlat tur a ni.

4. Ui khuahkhrih loh vin mihring a seh chuan BNS,2023 Section 291,  hmangin Ui neitu chu thla ruk ( 6) chhung lungin tan emaw Rs.  5,000/- thleng emaw chawi theih a ni.

He thupek zawm lo te chu Section 223, Bharatiya Nyaya Sanhita, 2023 (BNS) hmangin  hrem an ni ang.

He thupek hian Lawngtlai District pum a huam ang a, thu leh awm hma chu tih  chhuah an  nih atanga thla hnih (2) chhung a huam ang.

He thupek hi vawiin date 17.04.2025 hian District Magistrate Seal- a nemnghetin hming ka ziah hnan e.

                                               Sd/-
                     Cheemala Siva Gopal Reddy, IAS
                                 District Magistrate
                         Lawngtlai District, Lawngtlai