2064/2025-2026

Kolasib Dated, the 27th October, 2025: Pu H. Lalramliana, Sub-Divisional Magistrate, Kolasib Sadar Sub-Division: Kolasib chuan khawlaia ui chhuak a tam thu leh, ui seh an awm fo avangin mipuite him tlan zawk nan a hnuai a mi ang hian Section 163 of BNSS, 2023 in thuneihna a pek angin khapna thupek a chhuah.

1. Kolasib Sadar Sub-Division huam chhungah ram dang atangin Ui lakluh khap a ni.

2. Ui damlo leh natna avanga thi an awm anih chuan AH & Vety. Office hnai berah hriattir vat tur a ni.

3. Ui vulhtuten an ui vulh chu Rabies Vaccine an lak tir vek tur a ni.

4. Ui vulhtuten an ui vulh chu khawlaiah an chhuah zalen tur a ni lo. Tin, khawlai an chhuahpui dawn anih pawhin hrui/chain rinawm takin an kai tur a ni.

5. Ui khuahkhirh lohvin mihringa seh anih chuan Ui neituin hremna a tuar ang.

6. Hemi order chhuah tihlawhtling tur hian Kolasib Sadar Sub-Division huam chhunga Village Council leh YMA tỉn ten hma la in thupek kenkawh chungchangah Police leh Magistrate te a tul anga berawnin dan angin an kalpui tur a ni.

He thupek hian chhuah anih atanga ni 60 chhung a huam ang a, dan bawhchhia chu Section 291 & 223 BNS, 2023 hmangin hrem theih an ni ang.

He thupek hi vawiin ni 27 October, 2025 hian Court Seal nen nemnghetin hming a ziah hnan a ni.