Nimin tlai khan Mizoram State Legal Services Authority(MSLSA) chuan Aijal Club-ah Ukil, dan leh hrai mite leh Judicial officer te tan buaina kara palai dan chungchang inzirtirna programme ‘Mediation : A tool for Conflict Resolution’ tih chu a buatsaih a, he programme-ah hian Gauhati High Court Judge leh MSLSA Executive Chairman ni bawk Pu Justice Ujjal Bhuyan chuan thuhmahruai sawiin National Legal Services Authority (NASLA) Member Secretary Pi Asha Menon chuan zau takin thupui chungchanga zirtirna a pe a ni.

Pi Asha Menon chuan thubuai chu court-a rel chauh hi kawng awm chhun a ni lova, kawng dang tha tak awm chu buai te inkara, tan bik leh hleih bik nei lova palai hna thawh leh an inremna tur atana kawng dap pui a nih thu a sawi a, buaina tam tak thubuaia chan tira court a kalpui hma hian  inrem dan kawng zawn leh dap hian sum leh pai tam tak senna a veng theiin rilru te pawh a dam thei zawk a ni, a ti.

He programme hi Gauhati High Court-a Chief Justice, Pu Justice A.M. Sapre hmanpui tura ruahman a ni nangin, nimin khan rokhawlhna avangin Aizawl a lo thleng thei lova, vawiin hian Aizawl lo thleng tura beisei a ni.