Ukraine leh Russia control Crimrea-a Mizo zirlai awmte him dama an awm theih nana hma la tura Chief Minister Pu Lal Thanhawla’n Union External Affairs Minister leh Union Minister for Overseas Indian Affairs te hnena ngenna a siam chu Ministry of Overseas Indian Affairs chuan rang taka hma la nghalin, Ukraine a Indian Embassy-a Indian Ambassador Pu Rajeev Chandra, IFS chuan Mizo zirlai awmte chu an him thu leh ngaihtuahawm an nih loh thu Ministry of OIF hi a rawn hriattir a. Chiaina tur a awm loh thu a sawi bawk a. Ambassador hian India hmarchhak (NE) mi zirlai pahnih pawh a biak thu leh an ni pawhin ngaihtuahawma an awm loh thu an hrilh tih a rawn thlen bawk a ni.

Heng thu hi MOIA in Pu Ranbir Singh, IAS, Resident Commissioner, Mizoram House, New Delhi chu an rawn hriattir a; RC hian Chief Minister hi tukin khan a rawn hriattir ve leh a ni.