UN Mission Technical Team member, Pu Sandeep Tandon (UNIDO), Ms Manjula bhyan (UNIDO), Ms Antonia Paliwal (FAO), Ms Kalpana Tawakley (UNDP), leh Pu Sanjeev Kumar Gupta (UNDP) te chuan tukin khan Aizawl chhuahsanin Serchhip leh Lunglei District a hmalakna en turin an kal.

Serchhip an pannaah CDAR Tuirial, Baktawng leh MIFCO Plant, Chhingchhip, leh SK Bamboo Chipping Plant, Chhingchhip an tlawh ang a, Serchhip DC Office-ah NLUP Line Department hotute nen meeting an nei ang a, meeting an neih zawhah Lunglei an pan ang.

Naktukah Pukpui Piggery Village, Lunglei Polytechnic Institute an tlawh bakah District NLUP Lines Department hotute nen Lunglei District Office-ah meeting an nei ang. Ni 11.5.2014-ah Lunglei chhuahsanin Thenzawl Piggery Farm of PIGFED an tlawh bakah puantahna hmun hrang hrang an en anga, Sailam khuaah lutin Sailam Wildlife Sanctuary leh YMA Reserved Forest an tlawh zawhah Aizawl panin an kal ang.

NLUP Lines Department hotute’n an kalnaah hruaitu tur aiawh an tir a, NLUP District Media Officer ten an lo tawiawm zel dawn a ni.