Vawiin chawhnu dar 3 khan Chief Secretary Pi L. Tochhong hovin CS Conference Hall-ah ni 16.10.2014 a “UN Joint Initiative Project” hawnna tur programme official pawimawh ten an rel.

Vanapa Hall-ah ni 16.10.2014, chawhma dar 11:00 ah hawnna inkhawm neih tura rel a ni a, hetah hian Chief Secretary Pi L. Tochhong chuan welcome speech a sawi ang a, Pu P.L. Thanga, Member & Secretary, State Planning Board leh Vice Chairman, NLUP Implementing Board (NIB) nibawk chuan he Project chungchang sawina hun a nei ang. Ms. Lise Grand, UN Resident Co-ordinator for India in thu sawiin MoU sign na UN team aiawh leh Mizoram aiawh Chief Secretary ten an nei ang.

Pu Lal Thanhawla, Chief Minister in project thar hi hawnna neiin thu a sawi zui ang a, hun kharnan Pu J.H. Rothuama, Chairman, NIB chuan lawmthu sawina a nei dawn a ni.

UN team te hi ni 15.10.2014 ah Lengpui Airport ah an lo thleng ang a, tlai dar 6:00 ah YMA, MHIP, MUP, AMFU leh NGO thenkhat nen inkawmna nei tura ruahman a ni a, ni 16.10.2014 tlai dar 3:00 ah First Steering Committee for UN Joint Initiative Project, Chief Secretary Conference Hall-ah neih a ni ang. Ni 17.20.2014 zing dar 9:30 ah NLUP Conference Hall-ah he project implement dan tur sawihona neihpui an nih hnuah Lengpui Airport atangin an hawng ang.