December 14, 2012 a Chief Secretary hova NLUP kal zelna tur atana ruahmanna leh kan kal mekna min enpui tura Minessota University thiamna chi hrang hrang nei mi pali (4) lo kal tura beisei te chu vawiin ni 10 January, 2013 khan Aizawl an lo thleng ta.

Chungte chu:-

1. Prof. Dr. Karlyn Eckman, Food & Agriculture Origanisation of United Nations-a Senior Consultant-kum 20 chuang lo thawk tawh leh Minnesota University Water Resource Centre-a an hotunu.

. Prof. Dr. Dean Current, Director, Centre for Integrated Natural Resources & Agriculture Management leh Agro-forestry specialist.

3. Prof.Dr. Joe Magner, Research Professor, specialist in Bio products, bio-system engineering, Hydrology & Underground Water Resources Management

4. Prof. Michel Sherman, Specialist in Public Health, Animal Health & Good Agricultural Safety Practices.

Pi Dr. Karlyn Eckman hian Delhi alo thlen hmain FAO Hqrs Rome ah Mizorama project kalpui dan tur FAO Hqrs hotute a rawn dawr nghal a. Mizoram Sawrkar aiawh Pu P.L.Thanga MS, State Planning Board leh NIB Vice-Chairman ni bawk leh Pu L.R. Laskar, OSD NIB leh Pu C. Chawnghnuna Jt.Secy, PHED ten en nimin (9.1.2013) khan FAO Office ah Delhi-a FAO hotute nen Mizoram NLUP atana kalpui dan tur urhsun takin sawihona an nei tawh bawk.

Vawiin dar 3:00pm hian Chief Secretary Conference Room-ah Pu Chetan B. Sanghi, Chief Secretary aiawh hovin NLUP Line Department hrang hranga Secretary te, Head of Department te leh Nodal Officer te nen inhmuh khawmna tha tak an nei.

Minnesota University a mithiam rual te hi 26th January, 2013 thleng Mizoram-ah chamin khaw hrang hranga Mizo te khawsak dan leh NLUP kalpui dan an zir anga, 27th January, 2013 ah Delhi ah kir lehin 28th -29th January 2013 hian Delhi-a FAO hotute leh Planning Commission-a mipawimawhte nen Mizoram Project an hmuh dan an sawi ho anga. Ni 31st January, 2013 atanga 2nd February, 2013 hian Rome-a FAO Hqrs-a hotute nen inhmuh khawmna an nei leh ang.