60th National School Games, 2014-2015 Football (Boys) under 14 ah Mizo naupangten lawmman pahnihna an rawn hawn lawmpuina vawiin chawhma dar 11 khan Directorate of School Education Conference Hall-ah hman a ni a. Khuallian Pu Joseph Lalhimpuia, Parliamentary Secretary in Players te hnenah certificate leh pawisa fai Rs. 3,000/- theuh a hlan.

Under 14 Football a kheltute dinhmun sang taka an invawh kai theihna ah lawmthu sawiin khuallian Pu Joseph Lalhimpuia chuan hlawhtlinna tak tak nei tur chuan mahni inthununna (self discipline) leh inrintawkna neih a pawimawh thu leh thiamna leh fitness bakah vaitawng leh saptawng pawh thiam a ngaihthu a sawi a. School Education zirlai in a huam bakah Part time a zirlaiten english zir dan tur ngaihtuah mek a nih thu sawiin hemi atan leh Education inrelbawl nan Cheng vaibeichhe 300 chuang beisei mek a nih thu sawiin a, nakum lamah Mizoram in eng item ber ah emaw National School Games thleng tura ruahmanna siam mek a nih thu Pu Joseph Lalhimpuia chuan a sawi a ni.

Pu Vanlalrema Rokhum in inkhelh dan report a pe a. Mizo naupang sang zawk a invawrh tura sports lama an mamawh leh tlakchham te sawiin Sports hi khawvel ah ram changkang tehna a ni in tunah hian Mizoram chuan changkan lam kan pan mek a ni tiin Post creation leh Coaching Accomodation lama mamawhte a thlen nghal a ni.

Pu H. Lalengmawia, IAS, Director of School Education chuan harsatna paltlang hnemte hi mi hlawhtling an ni duh a, mi hlawhtling ni tur chuan tumruh leh tawrhchhel a ngai a ni a ti a. Sports Director Pu Zothanmawia pawhin fuihna thu leh lawmpuina sawiin Pu F. Zokima, Physical Education Officer in lawmthu a sawi bawk a ni.