2984/2024-2025

Dated Aizawl, the 13th November 2024: United Nations Development Programme (UNDP) buatsaih CSR Conclave chhim turin Mizoram sawrkara CMO CSR Cell member te chuan nizan khan Bangalore an thleng a. Vawiin lam khan mi pawimawh tak takte an kawm nghal.

A hmasa berin Infosys Company dintute CSR organisation, Nilekani Foundation hruaitute an hmu a. Mizoram tana hmalak theihna leh thawh ho dan tur te an sawipui a. Chumi hnuah IIM Bangalore-a NSRCEL te tlawh leh in, Mizoram a Start-up Ecosystem tha zawk a awm theih dan tur sawihona an neihpui. Hemi hnu hian Non-Profit Organisation, NASSCOM chu an office-ah tlawh lehin; sorkar leh private companies te inkarah thawhhona tha zawk a awm theih dan tur thil pawimawhte an sawipui leh a ni.

CSR Cell hi Adviser to CM, Pu TBC Lalvenchhunga, CSR Cell Chairman ni bawk chuan a ho a, Planning Secretary Pu Lalmalsawma Pachuau leh officials thenkhatten an tawiawm. Naktukah Bangalore-ah vek hian United Nations Development Programme ruahman CSR Conclave hi an hmang ang.