2635/2026-2027

Aizawl, the 12th October, 2026: Mizoram tlawha cham mek Union Minister of Development of North Eastern Region (DoNER) Pu Jyotiraditya M. Scindia chuan vawiin tlai khan NGO hruaitu leh mi hriathlawh tak takte Durbar Hall, Lok Bhavan-ah a kawm.

DoNER Minister Pu Jyotiraditya M. Scindia chuan sawm bik mi pawimawh tak takte nena hun hman ho a ni chu lawmawm a tih thu sawi a. Kalkhawmte chu an tawnhriat leh thiamnate hmang tangkaia Mizoram hmasawn nana theihtawp chhuah zel turin a chah a ni.

DoNER Minister hian kalkhawmte hi an tawnhriatte zawtin hmasawn ngaihna lai leh tul nia an hriat hrang hrangte a sawipui a. Inpawhtlang takin an inkawm ho a ni.

He hunah hian Padma Shri leh National Award dawngte, NGO hruaitute, zirtirtu, mahni kutkawiha eizawng, artist, ziakmi leh film siamtute an tel a ni.