Vawiin chawhnu dar 1:00 khan D.C Conference Hall Mamit ah Addl D.C Pu R.S. Lalzamliana MCS hovin Mamit District a Department hrang hrang aiawh ten Union Home Minister Pu Chidambaram in Damdiai leh Tuipuipari a Bru lo let leh te chenna ni 5.4.2012 a tlawh a tum chungchangah lo hmuah dan tur sawiho a ni.

Union Home Minister hi ni 4.4.2012 ah Aizawl lo thlengin zankhat a riak ang a, a tuk ni 5.4.2012 ah Bru raltlan lo let leh te chenna Damdiai leh Tuipuibari te tlawhin meeting a neihpui dawn a ni. Home Minister hmuak tur hian Mamit a Department hrang hrang te chu mawhphurhna hran hran pek an ni a, mahni department mawhphurhna te chu chak taka kalpui nghal ni se tih a ni.

Union Home Minister hi Suarhliap helipad-ah rawn tumin Motor in Damdiai hi a pan dawn a. Mamit a department hrang hrang hotute chu Damdiai ah zing dar 8:30 ah thlen kim nise tih a ni. Damdiai a Bru hote nena meeting neih zawh hian Tuipuibari pan in a thlawk chhuak leh ang a, Tuipuibari a Bru raltlante nen meeting nei leh in chumi zawh ah chuan BSF te nen meeting an nei leh dawn bawk a ni.

Vawiin a Additional Deputy Commissioner hova meeting neih ah hian Mamit a Department hotute an kal tha hle a ni.