All India Services Pre-Examination Training Centre, Shillong chuan Civil Services (Preliminary) Exam atana inpuahchah mek, Mizoram leh hmarchhak State dang pasarih bakah Bihar, Orissa, West Bengal, Gujarat, Madhya Pradesh leh Jharkhand a cheng, Scheduled Tribe, Scheduled Castes leh OBC te tan Admission a hawng a. Arts, Science leh Commerce subject-ah te saptawnga zirtirna (coaching) pek an ni ang.

He Centre a Admission dil thei chin te chu Degree Examination-a 50% chin chunglam hmu phak, ram chhung All India Services Pre-Examination Training Centre khawimaw bera Training la nei ngailo emaw vawikhat chauh Training nei tawh, kum 2013 UPSC Civil Services Preliminay Examination atana dilna thehlut tawh emaw thehluh tum emaw a ni tur a ni. Hostel ngaihtuahsak an ni dawn lova, Shillong khawpui pawn atanga kal zirlai te hnenah Stipend thlatin cheng 700 pek an ni thung ang.

Dilna form hi Director, All India Services Pre-Examination Training Centre, Addl. Sectt. Building (MATI Premises), Shillong hnenah envelope (23cm x 10cm)-ah mahni address chiang taka ziakin dil theih a ni a. Dilna form thehluh theih hun hnuhnung ber chu April ni 9, 2012 a ni.