The Subject Committee-I of Mizoram Legislative Assembly chuan Union Home Minister Pu Rajnath Singh-an Mizoram an rawn tlawh khan India leh Bangladesh ramri hung a nih tak avanga ramri hrula cheng mipuiten khawsak, eizawnna leh kawng hrang hranga harsatna tam tak an tawh thu leh zangna dawmna an dawn theihloh avanga harsatna an tawh chungchang te an thlen tih an tarlang a. 

The Subject Committee-I  hmingin  Chairman  Pu PC. Zoram Sangliana, MLA leh member pahnih Pu Lalruatkima, MLA leh Pu Nihar Kanti, MLA  te chuan uluk taka zirchian tawh,  ramri hung kaihnawih harsatna tawktute manganna leh rawtna te Memorandum on 'Problem faced in the Indo-Bangla Border Fencing and Non Payment of Compensation' to the Ministry of Home Affairs, Government of India' tih chu Pu Ranjnath Singh, Union Home Minister  hnenah  hian an thehlut a ni.

The Subject Committee-I in memorandum a siam ah hian –

1.  Kum 2005-06 a Nodal Home Department leh State Sawrkar hrilh hmasa lova Indo-Bangladesh Border Fencing(IBBF) siam hna thawhin ramri hrula khua - Chandobhighat, Bindasora, New Balukiasury, Tarabonia, Minis Katora, Bungkawn S, Rengharya, Futsury, Jarulbabsora, Boroituli, Chippui and Marpara. It also lead to the bifurcation of many villages viz, New Sachan, Saisen, Malsury, Lamthai, Bindiasora, Balungsuri, Chhotapansuri etc. te ramri hungna pawna a dah tak te leh sawrkar hmunhma, khelmual leh kohhran hmunhma a tihchhiat te chungchang

2.  Committee in state thenawm - Meghalaya, Assam leh  West Bengal a ramri hung hna  a zirchianna atanga a hmuh chhuah Zero line atanga Yard 150 a ramri hungna  a siam chu nasa taka palzut a nih thu leh IBBF chuan Mizoram hmun tha lai, huan leh thlai  bakah thlawhma siamna kumhlun Km 3 atanga Km 5 a zau zar zar Mizoram khawthlang lam dungtluan in a hlauh phah vek a. Kuthnathawk a eizawngtu ten an eizawnna an hlauh phah tih te.

3. Ramri luhka siamna hmun te chu a bula cheng mipuite veivah dan chhut miah lohva siam a nih a vangin mipui ten an  nitin khawsakna leh chetvelna ah harsatna lian tak an tawk.

4. Madhukar Gupta Committee in a lo rawt tawh anga, mipui harsatna thlentu zawk  ramri hungna aia mipui mamawh zawk ramri hrula kawngpui tha tak leh eng chhit chu Mizoram leh Bangladesh inrina ah hian a tul zawk  tih leh India leh Bangladesh ramri chu  khuanu rikham sa a nih thu.

5. IBBF in khawtlang nunphung a nghawng dan zirchianna, zangna dawmna leh chenna thar buatsaihsak chungchangah hmalakna liantham engmah a la awm lova. Home Ministry hian ramri hrula chengte hi IBBF pawna an chenzui a phalsakna emaw phalsak lohna engmah tarlan a la ni lo.

6. Mipui khawsakna hmuhma sawn zin lutuk chuan tuihawk tlingkhawm nasa taka a siam bakah thlawhhma neihna hmun a tichhe nasa hle tih hmuhchhuah a ni tih te tarlan a ni a.

Subject Committee-I   chuan IBBF chungchang bakah an memorandum 7-na ah India leh Myanmar ramri hrul dungtluana  kawngpui tha tak  siam leh kawngpui sira eng chhit a rawt a. Ramri leh lama chengte chu kan mi leh sa tho a nih avangin an venthawn awm loh tih a tarlang a.

IBBF vanga harsatna tawkte aiawh leh bialtu MLA a nih na angin Pu Nihar Kanti Chakma pawhin  a bial chhung mipui te mamawh Pu Rajnath Singh-a hnenah hian a thlen a. Union Home Minister chuan Subject Committee-I rawtna te chu lo zirchian a tum thu a sawi bakah IBBF chhehvel constituency chhunga mipui te harsatna pawh bialtu MLA nen Delhi-ah sawichhunzawm a ni ang a ti.

 

Attachment

  • Loading attachment...