Vawiin khan Union Home Minister Pu Rajnath Singh chuan Chief Minister Pu Lal Thanhawla, a thawhpuite leh Mizoram mipuite chu State Day chibai bukin duhsakna a hlan a. State Day lawmpuina lehkha vawiina Chief Minister hnena a thawn ah hian Mizoram mipuite te chu State Day vawi 30-na chibai bukin Mizoram mipuite chu Kumthar duhsakna a hlan a. Mizoramin remna leh muanna kum 30 chhung a neih tawh hi Hmarchhak state dangte tan a entawntlak hle ni a hriat thu sawilangin hemi hun chhung kawng hrang hranga Mizoram leh mipuite hmasawnna chu thinlung takin a lawmpui a ni tiin Mizoramin hmasawnna kawng chak takin zawh zel se tiin a duhsakna lehkha ah hian a ziak bawk a ni.

Remna leh muanna a awm hnu February ni 20, 1987 khan Mizoram chu Union of India-a state 23-na ni turin State puiltling ah hlankai a ni a, he ni hmang tur hian Prime Minister boral ta Pu Rajiv Gandhi-a Aizawl ah rawn kalin Lammual ah hemi puala lawmna programme hmasa ber a rawn hmanpui a ni.