Tuikuk hel pawl hlauh avanga Sakhan tlangdung atanga Mizo chhungkua engemawzat raltlan te hmakhua leh chhawmdawlna chungchanga Mizoram Home minister Pu R.Lalzirliana'n June ni 1, 2011-a Union Home Minister Pu P.Chidambaram lehkha a thawn chu chhanna hmuh a ni.
Pu P.Chidambaram chhanna June ni 3, 2011-a ziakin a tarlan dan chuan tuikuk hel hlauh avanga kum 1997-98 chhunga Kanchanpur Sub-Division, North Tripura District atanga Mizo chhungkua engemawzat raltlan inbenbelhna tur ngenna a dawn thu leh hemi chungchang hi a enzui mek thu a sawi a ni.
