Zan khat riaka Mizoram rawn tlawh, Union Minister for Environment, Forestry & Climate Change Pu Prakash Javadekar chuan nimin tlai khan Chief Minister Pu Lal Thanhawla chu a chenna bungalow-ah hmuin inkawmna hun tha tak an nei.

Union Minister chuan hmarchhak bial chu thing leh mau, ramngaw tha tak la awmna a ni chu India tan rohlu tak a ni tiin, hmasawnna kalpuinaah heng rohlute hi tichhelo thei ang bera kalpui chu central sorkar duhdan a ni tih Chief Minister hi a hrilh a. Humhalh leh venhim hna tha taka thawh anih theihnan Mizoram sorkar hnuaia field staff hnaruak thahnem tak awmte hi hnawhkhat turin Chief Minister hi a rawn a. Chief Minister Pu Lal Thanhawla chuan chumi tihpuitling tur chuan a tanpuina a ngen nghal a. Prime Minister Pu Narendar Modi sorkar-in hmarchhak bial ngaihpawimawha a nei chu lawmawm a tih thu Union Minister hi hrilhin, tunah chuan Mizoram rawn tlawha Union Minister-te leh central-a senior officer te kan hmu zing ve ta hle a, a lawmawm hle a ni a ti.

Chief Minister hian duhsakna thilpek Pu Prakash Javadekar hi a hlan a ni.

Chief Minister hi a nupui Pi Lal Riliani bakah Pu Lalram Thanga, Principal Secretary & PCCF ten an tawiawm a, Union Minister hi Pu Anil Kumar, Addl Director General, Ministry of Environment, Forestry & Climate Change in a tawiawm bawk a ni.