Vawiin ah khan hmarchhak mite inpumkhatna ,inunauna tha zawk awm theihna tur leh tam zawk a inzin pawhna awm theihna tura feh chhuak, Highlanders, Royal Enfield Bikers Club, Halflong member 21 te chu Raj Bhavan ah leng lut in Mizoram Governor Lt.Gen(Rtd.) Nirbhay Sharma hnenah an rawn zin chhan te a hrilh a. An mahni pual in Governor chuan thingpui ruai lo buatsaih in Circular Lawn ah inkawmna hun an hmang.

Governor chuan Mizoram an rawn tlawh avanga lawmthu hrilh in HalfLong atanga Bike chuangmi rawn kal te chu hmarchhak mite inkarah remna leh inunauna chhawm nun zelna akawng ah hma la zel turin a hrilh a. Mizoram hmun hrang hrang tun aia nasa zawk a rawn tlawh tur leh midang te pawh rawn hruai ve turin a sawm a ni." India hmarchhak ah hian hnam zia rang inang lo tak tak tam tak kan khawsak ho a. In unauna leh inhriatna tha zawk kan neih theih nan nasa zawka in tlawh pawh kan mamawh a ni", a ti a. Mipui rawngbawlna kawngah Aizawl Thunders leh Mizoram hmun danga Enfield Bikers Club te hmalakna te a chhuanawm hle a ni a ti a. Heng pawl ho hmalakna leh vantlang rawng an bawlna ah te pawh tel ve a inhuam thu a Bikers te chu a lo hrilh a ni.

Highlanders, Royal Enfield Bikers Club rawn veivahna senso hi Assam Riffles in rawn tum sak in Maj. Deepak Saini in a rawn hova. Tun tuma an member rawn kal te hi hmarchhak hnam chi hrang hrang aiawh member te niin nimin khan Aizawl an rawn lut a. Aizawl Thunders ten lo hmuak in Raj Bhavan ah pawh an rawn tawiawm leh a ni.

Attachment

  • Loading attachment...