No.3099/2020-2020

Vawiin khan Union Sports Minister Pu Kiren Rijiju hovin Sports Ministers Video Conference neih a ni a, he hun hi Union Sports Minister Kiren Rijiju in kaihruaiin Covid-19 avanga harsatna chungchanga Sports Ministry tan lak dante a sawia, Olympic 2028-ah chuan India in Top 10 position a chan ngei theih nana tanlak dan turte sawiho a ni.

Mizoram aiawha he Video Conference a tel Sports Minister Pu Robert Romawia Royte chuan Mizoram Sorkar leh mipuiin sports leh thalaite hmasawnna an ngaihpawimawh avangin Sorkarin Mizoram Sports Policy 2019 a duang thar a, sports chu Industry dinhmunah hlangkaiin Mizoram State Games pawh mumal taka kalpui chhoh tan a nih bakah infiammi te tan Sawrkar hna lak tur zawng zawngah 5% chu Infiammite tan reserve sakna dan siamthar a ni, a ti a. Union Minister Pu Kiren Rijiju hmalaknaa Khelo India Programme her rema siamthat a ni chho mek chu lawmawm a tih thu sawiin, Covid-19 dona kawngah Mizoram NSS, NCC leh Bharat Scouts & Guides ten theihtawp an chhuah thu a sawi a, Sorkar bakah YMA te leh Kohhran ten Covid-19 dona kawngah nasa takin hma an la a, Mizo nuna bet tlat Tlawmngaihna hlutzia alang chhuak nasa a ni, tiin a sawi.

Covid-19 avangin competition an ti theilova, chuti chung chuan Fit Mizoram hmalaknain Home Fitness Programme nung taka kalpui a ni a, mi tam takin anmahni inchhungah exercise an la a, Governor leh Chief Minister te pawh midang tihhmuhtu an ni, a ti. Sports Minister chuan Online Jump Rope Competition buatsaih an tum thu sawiin Union Sports Minister chu Jump Roper thiam tak anih anga On Line a tel ve turin a sawm bawk a ni.

Video Conference ah hian Sports Minister hi Pu H.Lalengmawia IAS, Sports Secretary leh Official dangten an tawiawm a ni.