No.3098/2020-2020

Lunglei District-ah Quarantine Facility-a khung hran mek zat chu vawiin chhun dar 12:00 thleng khan mi 132 an ni a. An zavaiin sawrkar Quarantine Centre/DCHC/CCC-a awm an ni.

Quarantine period hmang zo tawh, swab sample test result negative bawk te pawh Quarantine atanga thlah zalen mek zel niin nimin chhun dar 12 leh vawiin chhun dar 12 inkar khan Lunglei District ah mi paruk (6) DIET Lunglei quarantine facility atanga thlah zalen an ni.

Nimin chhun dar 12 leh vawiin chhun dar 12 inkar khan mi pasarih (7) quarantine belh niin an zing mi paruk (6) te hi Andhra Pradesh atanga lo haw niin mi pakhat (1) hi Srinagar atanga lo haw a ni.

Nimin 14/07/2020 (Tuesday) khan Civil Hospital Lunglei Truenat khawl ah sample 30 test niin, a vaiin result a negative vek a ni.

Lunglei District atanga swab test neih tawh zawng zawng chu vawiin thlengin 1733 a ni a (swab test tih nawn chhiar tel a ni). Hemi atang hian result 1685 chhuak tawhin sample la test loh/result nghah mek 48 a awm a, Swab Sample hi lak belh mek zel ala ni bawk. Tun dinhmunah Lunglei District-ah Covid-19 positive hmuhchhuah mi 58 an awm tawh a. An zinga mi 47-te chu enkawl dam tawh niin CCC/DCHC atangin chhuahtir (discharged) an ni tawh a, 30/06/2020 (Tuesday) khan mi 45 discharged an ni a, 02/07/2020 (Thursday) ah mi pakhat discharged leh niin 08/07/2020 (Wednesday) khan mi pakhat dang discharged leh a ni. Tun dinhmunah Covid-19 vei mi 11 awm mekin CCC-SIRD, Pukpuiah enkawl an ni.