370/2026-2027 

Saitual, the 4th May, 2026: Vawiin khan Union Minister of State for Coal and Mines, Pu Satish Chandra Dubey chuan Saitual District tlawhin, sawrkar deparment hotute nen inkawmhona hun an hmang.

Union Minister chuan kuthnathawktute hmasawnna tur chu a ngaih pawimawh thu a sawi a, huan thlai dahthatna tur "cold storage" leh an mamawh dang te  ngaihtuahsak a tul thu a sawi bawk.

Pu Satish Chandra Dubey chuan thalai ruihhlo ngaite a vei thu sawiin, hemi chungchangah awareness campaign nei tura hmalak a tul a ni, a ti. Union Minister chuan Mizoram Directorate of Geology & Mining mamawh te ngaithlain, theih tawp a chhuahpui tur thu a sawi bawk a ni.

Vawiin thutkhawm hi Saitual Bawrhsap Pu Srinivas Sadi chuan a kai hruai a, Saitual District Pu Lalthankima, Asst. Controller of Mines chuan Mining lama Mizoram dinhmun leh hmachhawp te a tarlang. Vawiin thutkhawmah hian Geology & Mining department hotute leh Saitual District-a department hrang hrang hotute an tel a ni.

Union Minister of State for Coal and Mines hi sawrkar department hotute nen inkawmhona hun an hman zawhah Saitual District Hospital a tlawh a, Hospitalah hian  Dr. Zothanpari Chhakchhuak, Dy. CMO, Dr. Lalhmunmawiii, DMS, Dr. V. Lalremruata, Sr. MO leh hospital staff ten an lo dawng sawng a ni.