2628/2022-2023

Mamit 12th November, 2022 : Dr. Bhagwat Karad, Hon'ble Union Minister of State for Finance, Gov't. of India chuan vawiin khan DC Conference Hall, Mamit-ah Sorkar Officials te Review Meeting a neihpui. 

Union Minister chuan kan ramin Kum 75 zalenna a hmuh hnuah pawh mipui nawlpuiin tuithianghlim in tur an nei lo chu pawi a tih thu sawiin Mamit khawpui ngei pawh tui lamah harsatna an tawk thin tih a lo hriat thu a sawi a. Kan Prime Minister zahawm takin tui thianghlim in tur kan neih vek theih nan Jal Jeevan Mission dinin hmalakna kalpui mek a ni a ti. 

Mamit District Headquarter atanga khaw hrang hrang kal theihna Public Transport awm lo chu  ngaihpawimawh a nih tur thu sawiin District chhung Sub Centre 39-ah nau neihna Labour Room pakhat theuh sak a nih tur thu a sawi a. Labour Room-a Staff tur erawh State Sorkar ngaihtuah tur a nih thu sawiin Mamit District-in Commerce leh Science College kan neih theih nana hmalak a nih tur thu a sawi bawk. 

Er.H. Lalzirliana, Mamit Bialtu MLA pawhin Mamit District mamawh hrang hrangte lo thlenin, harsatna kan tawh mekte pawh a theih anga sutkianpui turin Minister hi a ngen. 

Meeting-ah hian DPO, ICDS chuan Poshan Tracker-a harsatna an neih chu Minister hnenah a thlen a. Thla ruk chhungin Mamit District chhunga Block tinah Bank Branch thar leh Mamit khawpui chhung tan Private Bank pakhat nei tura hmalak a nih tur thu sawiin heng Bank thar te hi thla ruk hnuah a remchan chuan amah ngeiin rawn hawn a tum thu a sawi bawk. 

He hunah hian Pu Henry Malsawmtluanga, SDC & Nodal Officer, Aspirational District Programme, Mamit District chuan Aspirational District hnuaia kan dinhmun hrang hrangte chipchiar takin Presentation a pe a. Pi Lalchhandami Pachuau, SDC, Mamit chuan lawmthu sawina a nei bawk. 

Vawiin Review Meeting-ah hian Mamit khawpui chhunga Sorkar Department hotute an tel a ni.