Vawiin khan Pu Kiren Rijiju Union Minister of State for Home Affairs chuan HQ 23 Sector Assam Rifles a tlawh.

Pu Kiren Rijiju chuan Assam Rifles te hnathawh chu fakin December 2016-a Assam Rifles in Myanmar hel pawl Arakan Liberation Army (ALA) member mi firfiak 8 lai silai hman ngailova an man thei chu lawmawm a tih thu a sawi a. Assam Rifles chu Tlang mite thian diktak annih thu leh hemi kawnga an hmalakna hrang hrang te chu chhuanawm tiin State kilkhawra cheng mipuite tan malsawmna an nih thu Union Minister chuan a sawi bawk.

Union Minister hi Brigadier MS Mokha, SM, DIG 23 Sector Assam Rifles chuan a lo dawngsawng a . DIG hian India leh Myanmar ramri (border) venhimna kawnga an hmalakna chi hrang hrang leh harsatna awm thei te sawipuiin, Mizoram leh a ramri te alo him zawkna atan theihtawp an chhuah thu a sawi a. Assam Rifles chuan Mizo mipuite nen an thawhhona leh inlaichinna tih that lehzual na atan Students Outreach Programme leh Vocational Training –te buatsaihin Swachh Bharat Abhiyan pawh thingtlang ah te an kalpui thu DIG hian a sawi bawk.

Assam Rifles tlawhna ah hian Union Minister Pu Kiren Rijiju hi Pu H. Rohluna School Education Minister, Lt. Col. Z.S Zuala (Rtd) Parliamentary Secretary, leh Pu Joseph Lalhimpuia Parliamentary Secretary ten an tawiawm a ni.