Vawiin khan Lunglei DC Conference Hall-ah Lunglei DC Pu K. Lalrohlua kaihhruaiin District Level Committee on Swachh Bharat Mission (Urban) an thukhawm a, Lunglei District-a Census Town Hnahthial leh Tlabung te chu mimal pawna inthiar awm lohna (Open Defecation Free (ODF)-ah a puang a ni.

Nodal Department atangin Pu Andrew Lalhruaia, District Urban Development Officer chuan ODF-a inpuang tura an hmalak dan report a pe a. Hnahthial-a zirlai naupang 886 leh Tlabung-a zirlai naupang 682 ten Self Declaration an nei hmasa a. Women Self Help Group leh Village Council zawng zawng ten inpuanna an nei leh a ni.

Hetiang inpuanna hmasa, Preliminary Resolution neih a nih hnu hian mipui ngaihdan lakna hun ni 15 chhung hawn a ni anga, State sawrkarin endiktu a ruat ten an endik hnuah sawrkarin Swachh Certificate a hlan dawn a ni.