648/2022-2023

Aizawl, the 26^thMay 2022 : Thawhlehni a lo thleng Union Minister of State for Railways and Textiles Pi Darshana Zardosh chuan vawiin tlai khan Zemabawk a Sericulture Department enkawl mek Sericulture Training Institute a tlawh a. Sericulture changtu Minister Dr. K Beichhua chuan Union Minister hi lo dawngsawngin Sericulture Department a officer leh thawktu te hovin helai hmun an fanpui a, pangngang atanga silk la an sai dan tlangpui  hrilhin khawl leh hmanrua an neih dante Union Minister hi a enpui a ni.

Helai hmuna programme tawite neihah Union Minister of State Pi Darshana Zardosh chuan silk la siam nana pangngang sawngbawl dan, state danga ami a tlawhte nen Mizoram chu khaikhinin Mizorama silk processing tana khawl hrang hrang an hman chu, hmun dang aiin Mizoram chu hemi kawnga hmasawn zawk nia a hmuh thu a sawi a. Mizoram in sericulture lamah hma a sawn belh zel theih nan leh sericulture behchhana eizawngtute hamthatna kawnga theihtawp a chhuah tur thu a sawi bawk a ni.

Dr. K Beichhua chuan North East Region Textiles Promotion Scheme (NERTPS) hnuaia sericulture hmasawn nana Department in hma a lak chuan rah tha chhuahin Best Performing State nihna Mizoramin a dawn thu te Minister hi hrilh a. Sericulture in hma a sawn zel thei nana helai Training Centre tihchangtlunna tur proposal an thehluh chu tih puitlin sak turin a ngen a ni.  

Programme tawite ah hian Pu C. Lalrinsanga, Secretary, Sericulture chuan inlawmna thu sawiin Sericulture Extension Officer, Pu Lalbiakhlua’n hnen atangin sericulture a Mizoram dinhmun leh silk tharchhuah chungchang ngaihthlak a ni.