624/2025-2026

Aizawl, the 28th May 2025: Vawiin khan Union Minister of State for Women & Child Development Minister Pi Savitri Thakur chu Mizorama Sawrkar hmalaknate thlithlai turin a rawn zin a. Pi Lalrinpuii, Minister of Social Welfare, Women & Child Development Department bakah Pu Lalnunhlua, Additional Secretary, Pi Zoramthangi Chhangte, Director, leh sawrkar mi pawimawh dangten Lengpui Airport-ah hmuakin an lo dawngsawng a. Pi Savitri Thakur hi Nimisha Jha, ICAS, Private Secretary to the Hon'ble Minister; Pankaj Shrivastava, ISS, Statistical Advisor, Ministry of WCD; Deepak Kumar, Addl. PS to MoS (WCD) leh Santosh Kumar, Assistant Section Officer ten rawn tawiawmin May ni 30 (Zirtawpni) thleng hian Mizoramah a cham dawn a ni.

Pi Savitri Thakur hian vawiin chawhnu vek khan Durtlanga Women & Child Development hnuaia hmalakna hrang hrang - hmeichhe dinhmun tleu leh harsatna hrang hrang tawk mekte awmna tur atana din ‘Shakti Sadan’ te, naupang thubuai tenau nei mekte dahna hmun ‘Observation Home’ te, naupang dan bawhchhetuten nun kawng dik an zawh leh theihna tura a bik taka din ‘Special Home’ te, naupang kum 16 chin chunglam, pawikhawhna lianthama inhnamhnawihte dahna hmun ‘Place of Safety’ te bakah One Stop Centre(OSC) a tlawh a, One Stop Centre hi hleilenna tuar hmeichhiate tana rikrum thila inhumhim lailawkna hmun atana buatsaih a ni a. Nitin darkar 24 chhunga inhawng reng niin, hmeichhia tu pawh - hleilenna kan tarlan tak chi hrang hrang hmachhawn mekte, mipa/kawppui lak atanga heng harsatna tawkte bakah nupa inthen leh a kaihhnawih chungchanga harsatna neite tan pan leh biakpawh theih reng a ni.

Hemi hnu hian Pi Lalrinpuii, Hon’ble Minister, Social Welfare, Women & Child Development Department bakah mi pawimawh dangte nen Review Meeting, Aijal Club-ah nei lehin chawhlui an kil ho nghal a ni.

Pi Savitri Thakur hian naktuk, May ni 29-ah hian Khawzawl leh Champhaia sawrkar hmalakna hrang hrangte a tlawh leh dawn a, May ni 30-ah Chief Minister Pu Lalduhoma nen inkawmna hun an nei leh bawk dawn a ni.