623/2025-2026

Aizawl, the 28th May 2025: Nimin lama Union Power Minister leh Chief Minister Pu Lalduhoma te inkawmna bawhzuiin vawiin khan Power Ministry hnuaia awm Satluj Jal Vidyut Nigam (SJVN) Limited-a an Chairman & Managing Director, Pu Sushil Sharma leh SJVN hotu dangte chuan Chief Minister hi Mizoram House, New Delhi-ah an hmu a, Darzo Luia Pumped Storage Project, kawlphetha Megawatt 2400 pe chhuak thei tur project an ruahman te an hrilhfiah a. Hmalak zui zel dan tur te an sawiho a ni.

Chief Minister hi MP Pu Richard Vanlalhmangaiha, Pu Lalmuanpuia Punte, MLA, Chief Secretary Pu Khilli Ram Meena leh sorkar hotu pawimawh dang ten an tawiawm a ni.