2216/2026-2027

Aizawl,15th September, 2026 : Vawiin khan Union Minister of State for Youth Affairs and Sports Pi Raksha Nikhil Khadse chuan ni hnih cham turin Aizawl a lo thleng a, Lengpui Airportah Sports minister Pu Lalnghinglova Hmar leh Pi C. Lalremruati, Protocol Officer ten an lo hmuak a ni.

Pi Raksha Nikhil Khadse hian Mission Vengthlanga SAI Contact Sports Centre tlawh nghalin MY Bharat Mizoram aiawhte, Mizoram Olympics Association leh sports association aiawhte a kawm a ni.

He hunah hian Sports minister Pu Lalnghinglova Hmar chuan Mizoram sawrkarin sports tihchangtlun leh hmasawnna atana hma a lak chi hrang hrang a tarlang a, Mizoramin National level leh International level-a hlawhtlinna a tawnte sawilangin, Hockey Academy for Boys kan mamawh thute, Mizoram sawrkarin Vision Olympics 2036 atana hma a lak mek dan leh ruahmanna a siamte pawh a tarlang a ni.

Mizoram Olympics Association leh Sports discipline hrang hrang Football, Hockey, Badminton, Archery, Weightlifiting aiawhte pawhin an hmalakna leh an mamawhte an lo thlen bawk a, Union Minister of State hian theihtawp chhuaha a lo bawhzui dawn thu a sawi a ni.

Contact Sports Centre-a an inkawm zawh veleh Pi Raksha Nikhil Khadse hian Saitual a pan nghal a, zaninah riakin naktuk hian Kolasib a tlawh leh ang.