3095/2024-2025

Dated Hnahthial, the 20th November, 2024: Vawiin chawhma dar 11:00 khan DC Meeting Hall Hnahthial-ah Pu George Kurian, Union Minister of State, Ministry of Fisheries, Animal Husbandry & Dairying leh Minority Affairs in Zirtawpni leh Inrinni-a Hnahthial District a tlawh tur chungchangah meeting neih a ni a. He hun hi Pi Rita Lalnunmawii Pachuau District Bawrhsap chuan a kaihruai a ni.

Meeting kaihruaitu District Bawrhsap Pi Rita Lalnunmawii Pachuau chuan India rama mi pawimawh takin Mizoram hmun dang thlang lova Hnahthial District a rawn tlawh tur hi a lawmawm hle thu sawiin Hnahthial District atang hian Mizoram hmel a hmuh dawn thu a sawi a. Amah dawnsawn danah theih tawp chhuaha inbuatsaih pawh a tul a ni tiin mawhphurhna leh chanvo hrang hrang nei turte chu theih tawp chhuaha a tha thei ang ber ngaihtuah tura chah in harsatna leh buaina an neih chuan a hnena thlen turin a chah nghal bawk a ni.

Union Minister of State, Pu George Kurian hian Zirtawpniah helicopter hmangin Hnahthial a tum ang a, chawhnu dar 2:30 ah DC Office-ah Hnahthial District chhunga Department hrang hrang hotute meeting a neihpui ang a. Hnahthial-ah a riakin a tuk Inrinni zingah Leite tlawhin JJM hnuaia Solar Pumping a en ang a, dar 9:30-ah site visit a neiin hetah hian Anganwadi Centre, PMAY hnuaia in sak, AH & Vety Hospital, District Hospital a tlawh hnuah KVK a Exhibition siam a tlawh leh ang a, hemi hnu hian Aizawl panin a chhuak leh nghal ang.

Meeting-ah hian Superintendent of Police, DC Office-a Officer te, Project Director, DRDO; Chief Medical Officer; Sr. Scientist & Head, KVK; District Urban Development Officer; Block Development Officer; District Animal Husbandry & Veterinary Officer; District Agriculture Officer; District Horticulture Officer; District Fisheries Development Officer; Child Development Project Officer; Sub-Divisional Officer, PWD; President, MJA. Hnahthial District; President & Secretary, YMA Sub Headquarters, MHIP Sub Headquarters leh MCO Hnahthial te an tel a ni.