Champhai Zokhawthara Land Customs Station hawng tura Union Minister of State, Ministry of Commerce & Industries changtu Pi Nirmala Sitharaman lo kal tur chungchangah Champhai DC Pu H. Lalengmawia hovin vawiin khan mawhphurtu Department hotute nen DC Conference Hall-ah meeting neih a nih hnu in Zokhawtharah a hmun enho a ni.

Union Minister of State lokal lo dawnsawn dan tur leh Land Customs Station hawnna tura thil tul hrang hrangte sawiho in, Department leh VC bakah tlawmngai pawlte mawhphurhna tihfel a ni a. Zokhawtharah hian a hmunah kalin chipchiar takin enfiah a ni a. Helicopter-a lo kal tur anih avangin a tumhmun lo buatsaih that te, venhimna chungchangte, Union Minister lo lawmna inkhawm hmanna tur hmunhma lo cheibawl dan tur leh tul dangte rel a ni.

Zokhawthara Land Customs Station hi March ni 25, 2015 hian hawn tura ruahman niin Union Minister of State hi Chief Minister Pu Lal Thanhawla leh a nupui Pi Lal Riliani leh Trade & Commerce Minister Pu H. Rohluna ten an tawiawm dawn a ni.