Vawiin zing khan Shri Sachin Pilot, Hon'ble Union Minister of State, Communication & Information Technology chuan Thuampui Telephone Exchange ah  MSC ( Mobile Switching Centre) a hawng a. He hawnna programme ah hian Pu Zodintluanga, Minister, Information & Technology pawh a tel a. Hemi hnu hian  I & PR Conference Hall ah EVDO leh WiMAX Services te chu tlanzarh leh in, Press Conference a nei zui nghal a.

Thuampui a Mobile  Switching Centre ah hian Base Transciever Station (BTS) pahnih bun a ni a. MSC hian mobile service, fibre optic cable a chah avanga harsatna awm thin chu engemaw chen a ti ziahawm thei dawn a ni. Heng BTS hmang hian EVDO subscribers 1200 vel chawm theih tura beisei a ni. BSNL hotute chuan Aizawl ah BTS dang pathum  leh  Lunglei ah pakhat a la bun leh tur thu an sawi. EVDO hi wireless broadband service niin, a speed chu 3.1 Mpbs vel a ni a. EVDO  hmang hian India ram khawi hmunah pawh Internet a hman theih a. Wimax hi Internet chak taka hman theihna a ni bawk a ni.