1917/2023-2024

Aizawl, the 16th September2023: Vawiin chawhnu  khan Shri B.L. Verma,Union Minister of State, DoNER chuan ni 2 chhung official program nei turin Aizawl a rawn thleng a. Vawiin tlai khan Raj Bhavan-ah Governor Dr Hari Babu Kambhampati kawmin Governor hian zanriah a lo kilpui nghal a ni.

Governor Dr.Hari Babu Kambhampati chuan a khualtha hi lo kawmin Mizorama a official program hrang hrang a neih  tur chungchang te a zawt hmasa  a.  Hemi hnu hian Governor chuan Union Minister of State, DoNER hnenah hian  lawmthu a sawiin  DoNER-in State tana sector hrang hrang, a bik takin state chhunga hmasawnna ruhrel siam hna thawh chungchangah te  lawmthu hrilh a ni. Kan State chhunga DoNER funding hnuaia project kalpui mek chungchang te a bakak thil tul dangte pawh a sawipui bawk.

Pu B.L. Verma,Union Minister of State, DoNER chuan  naktuk (17th September 2023) hian Vanapa Hall-ah  program pawimawh a chhim dawn tih a sawi a. Chief Minister Pu Zoramthanga nen pawh tlaiah khan an inkawm tawh tih a sawi bawk a ni.