Zan khat riaka tura Mizoram rawn tlawha lo zin Union Power Minister of State KC Venugopal leh amah tawiawmtu te chuan vawiin chhun khan Lengpui Airport an lo thleng a. Health Minister Pu Lalrinliana Sailo leh Parliamentary Secretary to Chief Minister Pu Lal Thanzara ten an lo hmuak a ni.

Sorkar laipui mi pawimawh te hian vawiin vek khan helicopter hmangin Tuirial Hydel Project hmun an tlawh nghal a, Health Minister Pu Lalrinliana Sailo leh P&E Chief Engineer Pu L.Pachuau ten an tawiawm a ni. Union Minister pual hian zanin ah Raj Bhavan ah Cultural Programme buatsaih a ni ang a, naktuk chawhma lamah Chief Minister nen Mizoram thil pawimawh hrang hrang sawiin an inkawm ang a, Aizawl a chhuahsan leh nghal ang.